كلمات قصائد عمرو حسن 2018

قصائد عمرو حسن

مابتحبكش

بتتعب ليه وتزرع أرض مش أرضك
وليه سهران
وليه قلقان ومش نايم
وليه قاعد وليه قايم تجيب ف سيرتها ومشاعرك تسيل ع الارض !
مابتحبكش والله
وكل اللي اتعمل بينكم حكاية وقت مش اكتر
كلامك كله كان عادي
ووردك مرمي ف الشارع من الشباك
بتضحكلك وتبقى معاك
وتحلفلك تكون وياك

مابتحبكش
بتبني ف ايه ؟
بتنكر ليه كلام واضح كضي الشمس
بقالك قد ايه مشتاق
لواحده كان لقاها فراق
وكنت معاها طفل كبير
حكيت للكل عنها بدون ماتتكلم
وكنت تشوفها فتسلم
وكنت تشم بارفانها فتعرف دارها ومكانها
وتعرف كل الوانها بلمسة ايد
ادي العيل ف وصف العيد
لا نفع الشاي ولا الحكايات
ولا الاحلام ولا البدايات
ولا الحواديت ولا السلامات
ولا الحرُمات
ولا حتى الكلام بينكم
ف اول لحظة تختلفوا تهين ضلك

قصيدة جوابي ده الأخير ليكي

جوابي ده الأخير ليكي
يامعاليكي
ياست الحسن
ياسبب الحزن والعلة
ياشجرة حسبتها ضله وطلعت نار
بداية القول : مساء الفل ع الأزهار على خدودك
مابنجرّحش
ومابنسمحش حد يقول كلام عنك
لذلك ثم أما بعد ،
أنا الطفل اللي كان ف عنيكي متشعبط
يشوفك روحه تتلخبط
وقلبه ابن الحرام يضعف ويستعبط
كإنك زار وانا الدرويش
كإنك غار وانا الحرافيش
كإنك كنتي قرش حشيش
دخل رئتيني وملاني
كإنك دار وانا اللي ماليش
سوا الدار اللي لمّاني
بغض الجرح مين خان مين
ومين قصّر مع التاني
وغض الطرفْ عن اسمك
وطعم خروجه ف لساني
أنا مليّت من القصة ومن لعبة خلاص لسه

قصيدة هيبتا

نبدأ منين؟
من صدفة في الشارع
أو شارع الصدفة
أو أي شيء مدهش بيتم بين اتنين
من التقاء العين
أو من حاجات تانية
تبدأ من الدنيا
على اعتبارها كمين
بين إحنا والتانيين
ويبدأ التدوين
من أول السيرة

الصدفة تجمعنا
زي اللي خارج من كافيه بالليل
يخبط في كتف مهندسة بترول
أو عاملة في مصنع
تسقط ما بينهم أغنيات صدفة
لا يوطوا يجنوها ولا يسيبوها تكُف
– تكبر هنا شجرة مجهولة المصدر وشكلها مختلف –
تنمو بفعل الوقت
وتصير مخازن للطيور والقش
البذرة صدفة والفروع علاقات
بالتالي يا حضرات
لا تُهملوا الخطوات أو تمشوا مش شايفين
هتدوسوا على علاقات وبواقي بني آدمين
فتوخوا بعض الحذر
أو امعنوا في النظر
جايز تشوفوا اتنين واقع مابينهم شيء
هيكون لبكرة طريق
يشبه طريق بكرة
واتأملوا الحكايات
اتأملوا الحكايات
في الدنيا ياما حاجات أكبر من الرؤية
فبنمشي مانشوفهاش
شجرة هنا بتكبر بين حد جه وماراحش
وحد راح وماجاش،،

خلينا اصحاب

 ..
شايفاك انسان طيب حسّاس <33
راجل ورقيق ^^
تنفع كصديق ، لكن كحبيب ؟ عمري مافكرت !
تستاهل أحسن مني كتير ..
والله ياواد لاهجيبهالك ^^
عاوزين بقا نفرح بعيالك :$
وبحبك جداً صدقني وجوايا حاجات !
بس احنا اخوات <33 ..
سِكتِتْ وسكِتت !
مشيّت ووقِفتْ :|
وكإن الدنيا بتتحول اسود بهتان ^^
لون أنا مش عارفه لحد الآن ..
وكإن فيه خيط مزيكا حزين ♪ ..
طالع من مطرح وقفِتْها !
هل حبيتها ؟ أم ان الأمر بحاله سراب ..
قولتلها : انا رافض نبقى صحاب -.-
يا تكوني معايا يامتكونيليش :|
سِكتِتْ لحظة .. علشان كانت هي ملاحظة !
ان انا مكسور وبهددها ..
مدت إيدها مسكت ايدي <33 ..
وقالتلي خلاص فُك ياسيدي عازماك على قهوة ماتكسفنيش ^^ ..
كانت عارفة ان الموقف صعب -.-
والصعب حبيبتك تتعاطف علشان تواسيك !
فأخدت قرار اني انساها :|
من يومها وانا بدونها معاها <33 ..
براقبها بعين عيّل محروم ..
وباقول ما اطلبش .. باكلمها :$
وبفكّر هي بتعرف مين -.-
ضحكتها لمين :))
وبموت لو كانت بصاله -.-
أصبحنا لاننفع متصاحبين ولا عُدنا صحاب :$
وبقينا برغم اللي مابيننا ..
إتنين أغراب ^^
تسعين في المية من الأشخاص المكتئبين ^^
بيحسّوا حنين لقلوب بتحِّن لناس غيرهم <33
الواحد ضيّع وقت كبير مع ناس مش شاغل تفكيرهم
هذا التفكير الغير صحيّ
هو المتسبب في القهوة ^^
ف عمر خيرت و Trio Joubran
وف قلب نظام النوم للعكس :|
وصداع القولون العصبي ^^
تضييع ١٦ ساعة ف شات <33
ودخولك ف مشاكل وحاجات -.-
وخروجك منك آخر الليل !
هتروح لطبيب هيبص عليك ..
وهيكتبلك أدوية للنوم -.-
ومهدأ ويسيبك تمشي :))
وهتفضل برضه مابتنامشي :|
وهيفضل جسمك بيعاندك ..
كل الموضوع انك عندك -.-
" متلازمة حُب اللي ماحبكش " <33
- انت معندكش سبب عضوي !
يمنع عينك تقفل لساعات ^^
السبب الأصلي ف عدم النوم -.-
انها شايفاكوا اتنين اخوات :|
بالنسبالها .. هي بتعشق في اللي قَتَلها :|
واللي ماقدّرش ودخلها ف مساحه كبيرة من الإهمال
بتحب جنونه وعصبيته <33
وتحب تشوفه بيجرحها ..
وتحب انه مابيكلمهاش -.-
مع انه مكلم ناس تانيين :|
وتحب عدم غيرته عليها ..
وتحب قساوته وهي تلين <33
بالنسبالها .. عمرك ماهتبقى اللي ف بالها !
ف إفهم ياحزين :))
واعرف دستور البني آدمين ..
عمرك بيضيع والوضع وضيع -.-
والعالم أجمل من غيرها <33 ..
عمرك ماهتيجي ف تفكيرها !
مع انك شاغل ناس تانيين ^^
وحاططهم ف القايمة اياها ( خلينا صحاب )
#داين_تتدان ..
ومافيش مجروح مابقاش جارح :))
كله بيبحث على ألمه الخاص !
وكإن الحب بدون راحه ..
وكإن الشوق لازمُه جراحه <33
علشان مايروحش لناس ببلاش ..
اعتبره ماجاش ^^
ونصيحة ياريت لو كنتوا صحاب ، خليكوا صحاب !
علشان لو قولت على مشاعرك ..
هتكون بتضحّي بصداقتها <33
وان فعلاً فعلاً حبيتها ..
استنى عنيها تقول قبلك :))
واستنى الشوق فيها يقابلك <33
وساعتها يجوز تنسى المسافات ..
فيما عدا ذلك ف انت هتسمع !
انا آه حباك بس احنا اخوات ..

الشاعر هشام الجخ

الشاعر:هشام الجخ  كلمات اغنية 24 شارع الحجاز إتدلّعي .. واتبغدَدِي .. واتفاخري .. واتباهي قولي لكل الناس ..ده عشقني والله .. لِمِّي العيال حواليا زِفُّوني .. ظاظوا عليّا وحَدِّفُوني طوب .. ما انا اللي سِبْت عنيكي لَفُّوني .. وانا اللي استاهل كل يوم مركوب .. فاتدلعي .. واتبغددي .. واتفاخري .. واتباهي .. آدي ضَحِيَّة كمان فِدا رِمشك الساهي .. موت الضحايا جَزَايَا .. ما انا اللي وَدِّيتِك .. ولْحَدْ حَدْ ما وَدِّتُوش ولا حَدْ وَدِّيتك .. وقَلَعْت كل سنيني على خَصْرِك .. ضَفَّرْت شَعْرِك عِشّ جُوَّايا .. بايَعْت حُكمِك وابتَدِيت عَصْرِك .. ووقَفْت ورا عرشِك ومَسَكْت هوَّاية .. موت الضحايا جَزَايَا وكُلَّها ضحايا .. مين اللي قال الحب آخره عَمَار ؟؟؟ الحب آخره نهاية في رحَاية ..( الرحاية هي طاحونة يستخدمونها في الريف المصري ) القسوة طاحنة والحجر دوَّار .. فاتدلعي .. واتبغددي .. واتفاخري .. واتباهي .. واستنكري من عزتي .. واستهتري بجاهي .. خَلِّيني مضرب مَثَل من بعد هيبة و وزن .. كُبَّي المرار في العسل .. واملي الفرح بالحزن .. يعني انتي أولهم ؟؟؟ ولا انتي اول همّ ؟؟؟ ولا انتي اول سهم إتْسَنْ لي واتسمّ ؟ لو تكشفي ضهري تلقي السهام علامات .. وانا زي زرع ف هوا وَطَّى حِيِي وعَلا مات .. موت العلالي شرف .. بس اسمها موتة .. مش عدل تبقي ف ترف وانا باطفح الكوتة .. ما يا إمَّا نَقْسَمْهُم وَخْزَة قُصَاد وخزة .. يا إمَّا لا مواخذة .. توتة يا حدوتة .. وابقِي اكدبي براحتِك .. واتدلعي براحتِك .. طعم الهزيمة جِزَا للي يزور ساحتِك .. وانا قلبي يا ما غلب .. مش عيب يبات مغلوب .. اهو برضه فِدْتينا وكَفَّرنا بيكي ذنوب .. ولَحَسْنا من شَهْدِك وشرِبْنا من رِيقِك .. وسْكِرْنا من كاسِك وكَسَرْنا إبريقِك .. وطْعِمْنَا من حُسْنِك وشْبِعنا بِبَريقِك .. ومْشِينا في طَريقِك .. ورجِعْنا مَلْوِ اليَدّ .. جَرْحِي قُصَاد جَرْحِك .. ولا حد ظالم حد .. ولا انتي فاكرانا رجالة خيبانة ؟ نبكي على النسوان ونْسِحّ في بكانا ؟ كنتي اسألي "نانا" اللي اسمها "نانا" يا دوب زِعِلْنا يومين واهي دنيا لاهْيَانا ما تكدبيش ع الناس .. الناس دي عارفاني قلبي خشب لو غطس بِيْقِب من تاني فماتحرجيش روحِك وتقولي ده عشقني بدال ما صاحباتك يقولك آدي دقني حِبِّي على قَدِّك واحكي على قدك وان جت سيرتنا ف يوم ابقي الزَمِي حَدِّك تتدلعي ماشي .. تتبغددي ماشي وتقولي حبني موت برضه ما يجراشي بس انتي من جوا فاهمة ان زمنك مات وبقيتي زي اميرة قلبها شحات لِفِّي على صحابي .. سِبِّيني في غيابي قولي ان عمرك يوم ما وقفتي على بابي لا كَوِيتي قِمْصاني ولا جِيتِي زُرْتِيني وللا تعرفي مكاني ولا تعرفي تجيني واني يا دوب واحد دايب ف دباديبك عامل كما عَيِّل شابط في جلاليبك وانتي يا عيني أُف زهقانة مني خلاص عملتي زار بالدُّف  وسُقْتِي كُلّ الناس وانا برضه لازِقْلِك معلش حَظِّك كدة رَبِّك ورازِقْلِك روحي يا شاطرة هناك انضمي للالبوم انا كل عشرتي بيكي 22 يوم عملتي نفسك حكاية ؟؟ ومحبة فيَّاضة ومَخَدَّة بَكِّاية ؟ وسهر وسُهْد وويل ؟ وبكا و غنا و مواويل ؟ في 22 ليل !! على اي حال شكرا وشكرا ثم شكرا للقصيدة قَلَّما تأتيني امرأةٌ بأفكارٍ جديدة كلمات اغنية ايوه بغير لتحميل mb3 لا انا نقصان ولا ضعفان ولا مسطول ولا سكران ولا زايغ من عيني الضيّ ولا حد احسن مني في شيّ بس بغير واللي قالولك غيرة الراجل قِلّة ثقة او قلة فَهم خَلْق حمير غيرة الراجل نار في مَرَاجِل نار بتنوّر مابتحرقش واحنا صعايدة بنستحملش شمسنا حامية وعِرْقنا حامي وطبعنا حامي واللي تخلّي صعيدي يحبها يبقى يا غُلْبها اصلنا ناس على قد الطيبة كلنا هيبة والنسوان في بلادنا جواهر طب لو عندك حتة ماس حتخلّيها مداس للناس؟؟ ولا حتقفلي اوضة عليها بميت ترباس يمكن حتى تأجري ليها جوزين حراس يبقى انا لا انا جاهل ولا غافل كل الفرق ما بيني وبينك اني صعيدي ينعل ابو ده اليوم الاكحل اللي لا ليه اخر ولا اول اللي طلعت لقيتني صعيدي لو كان بايدي كنت اعملك هندي بريش واقلب شعري كنيش كرابيش والبس لك سلسلة متدلدلة خرزة وقلب بس ازاي البس لك سلسلة ؟؟ هو انا كلب ؟؟ ثم العبرة ماهيش في اللبس اصل المشكلة عندك .. عندك .. قلت حاسيبها وبكرة تحس بعده تحس بعده تحس ده انا لو جبس كنت زعقت ماشي صداقة وماشي زمالة بس ماجَتْش على الرجالة ماهي نسوان الدنيا كتير وانا ما بقولش تخاصمي الناس ولا تِتْحِجبي عن الرجالة ولا تعتكفي وتسكني دير بس يا ريت حبة تقدير اني بحبك واني بريدك واني زرعت حياتي في ايدك واني غزلت بنات الدنيا عقود على جيدك واني تعبت من التفكير واني بغير كلمات اغنية الجدول  انطردي الان من الجدول موتي فالكل هنا ماتو وانا اعتدت حياتي ارمل واعتدت الهجر بلا سبب وبرغم الحيرة لم اسال وظللت اسجل اسماء واسطر خانات الجدول ظني احساسك ماشئتي فانا ملك لا اتوسل لا ابكي لفراق حبيبا اواترجي اواتزلل رقه شعري قول افك ففؤادي من صخر جندل علقت نساء في سقفي وجلست فخورا اتامل وغزوت عيونا لا تغزي غافلت رموشا لا تغفل وزرعت النسوة في ارض لا اخر فيها او اول ديكتاتوريا ان اعطي ديكتاتوريا ان ابخل وقعت انا صك الهجر فالحاكم يعزل لا يعزل فانطردي الان من الجدول غيبي فلكم قبلك غابوا لا شئ يجيءولا يرحل ما الورد اذا لو لم يزبل ما الشمس اذا لو لم تقفل لا تنتظريني نسناسا اقبل يوما ان اتسلسل ويجيئوا الناس الي قفصي ليروا عشاقا تتحول تتقافز كالقردة عشقا وتموت هياما وتولول لمي اشياءك وارتحلي بحثا عن اخر قد يفبل امايا فلا ثمنا عندك تقبله يدايا لتتكبل ان كان غرامكي لي نبعا فنساء الدنيا لي منهل والجدول مقتظوا جدا بكثير مثلك بل اجمل فانطردي الان من الجدول غيبي وتمادي في جهلا فانا لا اعشق من يجهل اني بحار ترفضني كل الشطأن فاتنقل اعتدت السفر علي مضض وقضيت حياتي اتجول ارتشف بلاد ونساء فهنا عسل وهنا حنضل وهنا عشق كلص نذل وهنا كنت نبيا يرسل وهنا ذبحوا شعري عمدا وهنا شعري صار يرتل وانا والغربة مازلنا نبحث عن وطن لنظلل صادقت الغربة في الغربة وقضيت سنينا اتعلل بررت جميع حماقاتي وظننت باني اتجمل اليوم ازيل عبأتي واكشف عن وجهي الاوحل ملي عينيكي بلا خجل فانا الموحول ولا اخجل أغرتني احلام الصبية فعدوة الي حلمي الامثل وبدات السفر بلا زاد وظننت باتي اتعجل ونسيت الله فاهملني من ينسي الله ولا يهمل كلمات اغنية شيماء يا مكه ليل الغوانى غوانى من صغرى عايش فيه عذب فؤادى وكوانى بالله لتطفيه الكالكليتور والمذاكرة وصوت لطيفه والفجر لما غافلى قطع هدوء الليل قلبى قليل الحيل سايق عليكى الوجع والغره والمواويل خليت عنيكى دليل عشمان تخلينى لما اشتكيت حبى للصخر خر ولان بالله دلينى كيف الحجارة تلين وانتى ما تلينى الشعر ده شعرك مش هنسبه لنفسى بس انتى ملينى ياللى شخبطتى فى قصايدى بزيداكى شخبطه والاسم شعر قسمونى قبلك يجى ستين واحد نفسى يوم يبقالى سعر نفسى ازفك بين ضلوعى نفسى انجدلك مراتب قلبى ياما قلبى قبل منك لم بق نفسى احبك حب حق بس خايف تبقى نانا يادى نانا نفسى اوضبلك ضلوعى فرش عرسك ما اتفرش لواحده قبلك نامى فيا مدى رجليك ازحمينى واحلمى ليا وانقشى اسمك على الغضروف حروف بعشقك رغم الظروف بعشق الليل الى نازل فوق كتافك شعر سايح يا ام طيف كالسيف فى جوف الصدر سارح بعشق الضل المرمى فوق تراب ارضك واحسد الارض الى تحته قلبى كان مقفول فتحته ولى وجهك شطر قلبى واتلى ايات اليمين وانتى داخله قدمى الرجل الشمال اصلى بتشاءم من الرجل اليمين اصل قبلك لما خشت نانا يادى نانا يا نيل يا مبحر بوس لى خدودها الحمر لو هاحكى عن شوقى يلزمنى مليون عمر رج الشجر يا نيل سمعها صوت شوقى سكنتها فوق البشر فوق القمر فوقى سكنتها عروقى لما اشتكيت من بعدها زاد قربها حروقى يا نيل يا ابو المساطيل دوقنى خمرك ما تقولهادوقى فاضل كمان ساعه والشمس هتغرب نركب سوا مركب